कथाकार परशु प्रधानको ८० वर्षको उमेरमा निधन
चैत ६, २०८० मंगलबार
सिन्धुली – प्रहरीले शुक्रबार २५ बिघामा लगाइएको गाँजा खेती नष्ट गरेको छ ।
प्रहरीले मरिण गाउँपालिका–१ को टुँडिखेल, बेदपानी र वडा नम्बर ३ को बरुण भलाइमा लगाइएको गाँजा नष्ट गरेको हो । जिल्ला प्रहरी कार्यालयका प्रहरी नायव उपरीक्षक लोकदर्शन थापाको नेतृत्वमा खटिएको टोलीले शुक्रबारबाट गाँजा खेती नष्ट गर्ने अभियान सुरु गरेको छ ।
अहिलेसम्म वडा नम्बर १ को टुँडिखेल र भलायो बरुणमा लगाइएको चार बिघा तथा वडा नम्बर ३ मा २१ बिघामा लगाइएको गाँजा खेती नष्ट गरिएको प्रहरी नायव उपरीक्षक थापाले जानकारी दिनुभयो ।
यस क्षेत्रमा ठूलो परिमाणमा लगाइएको १५ बिघाभन्दा बढी क्षेत्रफलको गाँजा खेती शनिबार नष्ट गर्ने र विस्तारै कम परिमाणमा लगाइएको गाँजा खेती नष्ट गर्ने अभियान चलाइएको समेत उहाँले बताउनुभयो ।
सिन्धुलीको मरिण गाउँपालिका र हरिहरपुरगढी गाउँपालिकामा गरी अन्दाजी ४० बिघाको क्षेत्रफलमा व्यावसायिक गाँजा खेती नष्ट गरेको प्रहरीको अनुमान छ ।
प्रहरी नायव महानिरीक्षक दीपक थापाको विशेष निर्देशनमा प्रहरीले गाँजा खेती नष्ट गर्ने अभियानको सुरुआत गरेको छ । प्रहरीले आठ करोड मूल्य बराबरको गाँजा खेती नष्ट गरेको दाबी गरेको छ ।