साप्ताहिक अभियान अन्तर्गत व्यक्तिगत घटना सम्बन्धी २३ हजारभन्दा धे...
बैशाख ८, २०८१ शनिबार
रसुवा – नेपाल चीनबीचको व्यापार व्यवसाय अभिवृद्धि गर्ने रसुवागढी नाकामा नयाँ पक्की पुल निर्माणको कार्य अगाडि बढेको छ ।
रसुवाका प्रमुख जिल्ला अधिकारी कृष्ण पौडेलका अनुसार अहिले भइरहेको स्थानबाट पाँच मिटर उत्तरपूर्वतर्फको लेहेन्दे खोलामा चीन सरकारले पुल निर्माण गर्न लागेको र आफ्नो भू–भागतर्फ पुलको निर्माणको कार्य थालनी गरिसकेको छ ।
अहिले सञ्चालनमा रहेको पक्की पुल विनाशकारी भूकम्पको असरले केही भाग क्षति पुगेकाले कमजोर महसुस भएपछि चीन सरकारले नयाँ पुल निर्माण गर्न थालेको बताइएको छ ।
दैनिक चार/पाँच सय मालबाहक सवारी साधन ओहोरदोहोर गर्ने भएकाले लेहेन्दे खोलाको अस्थायी पुल बनाउने र ६ महिनाभित्र पक्की पुल निर्माण गरिसक्ने सीमा क्षेत्रका चिनियाँ अधिकारीबाट आफूले जानकारी पाएको प्रजिअ पौडेलले बताउनुभयो ।