न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
अभिनेता नेता सलमान खानका साथ बलिउड डेब्यू गरेकी अभिनेत्री जरीन खान दुर्घटनामा परेकी छिन् ।
भारतको गोवामा जरीन खानको कारमा एक मोटर साइकल यात्री ठोक्किँदा दुर्घटना भएको हो । तीव्र गतिमा गुडिरहेको कारमा पछाडीबाट मोटर साइकल ठोक्किएको हो ।
दुर्घटनापछि जरीन र उनको टिमले घाइते मोटर साइकल चालकलाई अस्पताल पुर्याएका थिए । तर ती व्यक्तिको अस्पालमै मृत्यु भयो । खबरहरुका अनुसार ती मोटरसाइकल यात्रीले हेलमेट लगाएका थिएनन् । त्यसै कारण उनको टाउकोमा गहिरो चोट लागेकाले ज्यान गएको हो ।
दुर्घटनालगत्तै अस्पताल पुर्याएपछि डाक्टरहरुले उनको ज्यान बचाउन सकेनन् । अभिनेत्री जरीन खानलाई पनि चोट लागेको बताइएको छ ।
यो घटना डिसेम्बर १२ बुधबार साँझ ६ बजे घटेको हो । अहिले जरीन खानका ड्राइभरमाथि तीव्र गतिमा लापरवाही गरी गाडी चलाएको भन्दै प्रहरीमा उजुरी दर्ता गरिएको छ ।
अभिनेत्री जरीन खानले अभिनेता सलमान खानसँग बलिउड फिल्म ‘वीर’ मार्फत डेब्यु गरेकी थिइन् ।
जरीनको पहिलो फिल्म नै फ्लप भएको थियो भने त्यस पछि पनि उनले बलिउडमा चर्चा कमाउन सकेकी छैनन् । पछिल्लो पटक जरीन फिल्म ‘अक्सर २’ देखिएकी थिइन् ।