त्रिभुवन विश्वविद्यालयमा हराएका उत्तरपुस्तिका छानबिन गर्न समिति...
चैत १६, २०८० शुक्रबार
झापा – यतिबेला फुटबलको महामेला मानिने विश्वकपले संसारका हरेक नागरिकको ध्यान तानिरहेका बेला झापामा पनि यसको रौनक छाएको छ ।
आफ्नो समर्थन रहेको देशको झण्डा देखाउँदै खेलप्रेमी
विश्वकपले जर्सीको व्यापार पनि राम्रैसँग फष्टाएको छ । बजारका हरेक पसलमा अहिले विश्वकपमा सहभागी राष्ट्रहरुको खेलाडीको जर्सी झुण्ड्याइएको देखिन्छ । झापाको बिर्तामोड बजारमा रहेको दुर्गा भगवती इम्पेक्स होलसेलका सञ्चालक प्रेमकृष्ण श्रेष्ठका अनुसार उहाँको पसलबाट दैनिक एकदेखि डेढ लाख सम्मको जर्सी अन्य व्यापारीहरुले लाने गरेका छन् ।
उहाँका अनुसार अन्य खुद्रा पसलमा पनि दैनिक ४० देखि ६० हजार सम्म जर्सी बिक्ने गरेका छन् । जर्सी प्रतिगोटा कपडाको गुणस्तर हेरी ४ सय देखि १५ सय सम्म पर्ने गरेको छ । सबैभन्दा बढी अर्जेन्टिना र ब्राजिलको जर्सी धेरै बिक्ने गरेको व्यापारीहरुको भनाई छ ।
विश्वकपको जर्सी बेचेरै युवाहरुले सामाजिक सद्भावका काम पनि गरिरहेका छन् । झापा बुद्धशान्ति गाउँपालिकाका युवाहरुले विपन्न वर्गका विद्यार्थीहरुको सहयोगार्थ जर्सी स्टल राखेका छन् । जर्सी बेचेर आएको नाफाबाट विपन्न बर्गका विद्याथीहरुलाई सहयोग गर्ने तयारी उनीहरुले गरेका छन् ।
फुटबल प्रेमीहरुले विश्वकपको मज्जा लिन विभिन्न तयारी पनि गरेका छन् । झापाको अर्जुनधारा –१०, मा विश्वकप हेर्नकै लागि फुटबल पे्रमीहरुले खुल्ला चौरमा बाँसको प्याराफिट बनाएर प्रोजेक्टरबाट हेर्ने व्यवस्था मिलाएका छन् ।
विश्वकप फुटबलको रणसंग्राम हेर्न झापाका विभिन्न स्थानमा खुल्ला ठाउँमा प्रोजेक्टर राखेर ठूलो पर्दामा फुटबलको आनन्द लुट्ने व्यवस्था मिलाइएको छ ।
झापामा बसेर पत्रकारिता गर्ने सुश्मा राजवंशी उज्यालोका जिल्ला सम्वाददाता हुनुहुन्छ ।