कपनबाट पेस्ताेलसहित एक जना पक्राउ
चैत १६, २०८० शुक्रबार
रुकुम पश्चिम – पश्चिम रुकुमको एक कुखुरा फर्ममा एकै दिनमा ६ सय कुखुरा मरेका छन् ।
रुकुम पश्चिमको मुसिकोट नगरपालिका वडा नम्बर ७ साँखमा रहेको पाण्डे कुखुरा फर्ममा २४ घण्टामै ६ सय कुखुरा मरेका हुन् । शनिबार माफर्ममा रहेका सबै कुखुरा मरेको फर्म संचालक शोभाकर पाण्डेले जानकारी दिनुभयो । उहाँका अनुसार हरियो दिसा गर्ने, झोक्राउने, काम्ने, छट्पटाउने र त्यसपछि कुखुरा मर्ने गरेका हुन् ।
त्यस्तै मरेपछि कुखुराको रंग निलो हुने भएको संचालक पाण्डेले जनाउनुभयो । फर्ममा रहेका सबै कुखुरा मर्दा करिब सातलाख बराबरको नोक्सान भएको सञ्चालक पाण्डेले बताउनुभयो ।
कुखुरामा बर्ड फ्लू भएको हुन सक्ने आशंका गरिएको छ । एकाएक सबै कुखरा मरेपछि बर्ड फ्लुको आशंका गरिएको हो । घटनाकाबारेमा बुझ्न पुगेको जिल्ला पशु सेवा कार्यालयको टोलीले कुखुरामा रानिखेत रोग लागेको हुनसक्ने बताए पनि रानिखेतबाट यति छिट्टै सबै कुखुरा सखाप नहुने संचालक पाण्डेको दाबी छ ।
केही दिनअघि कुखुरा लिन भन्दै कैलालीबाट व्यापारीहरु आएका थिए । तीनै व्यापारीहरुले आफैले ल्याएको तराजु प्रयोग गरेर कुखुराको तौल नापेको र त्यसैबाट रोग भित्रिएको हुन सक्ने पाण्डेको आशंका छ ।