अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
काठमाडौं – यातायात व्यवस्था विभागका तत्कालीन महानिर्देशक चन्द्रमान श्रेष्ठविरुद्ध अख्तियारले भ्रष्टाचार मुद्धा दायर गरेको छ ।
अहिले वन तथा वातावरण मन्त्रालयको सह–सचिवसमेत रहेका श्रेष्ठले पदको दुरुपयोग गर्दै गैरकानुनी रुपमा सम्पत्ति आर्जन गरेको भन्दै अख्तियारले विशेष अदालत काठमाडौंमा मुद्धा दायर गरेको हो ।
श्रेष्ठले आर्जन गरेको सम्पत्तिमध्ये १ करोड ३४ लाख रुपैयाँको स्रोत खुल्न नसकेकाले उनीमाथि मुद्धा दायर गरिएको अख्तियारका सहप्रवक्ता उपसचिव मदन कोइरालाले जानकारी दिनुभयो ।
सार्वजनिक पद धारण गरेको मितिदेखि अहिलेसम्म श्रेष्ठले आर्जन गरेको कमा ३ करोड ४४ लाख ७७ हजार मध्ये २ करोड १० लाख ७७ हजार रुपैयाँको मात्रै स्रोत खुलेकाले बाँकी भ्रष्टाचार गरेर आर्जन गरेको पाइएको अख्तियारले दायर गरेको रिटमा उल्लेख छ ।
श्रेष्ठले गैरकानुनी सम्पत्ति श्रीमती जमुना तण्डुकार र नवलपरासी स्वाठीकी भगवती योगीको नाममा राखेको पाईएको पनि अख्तियारले जनाएको छ ।
गैरकानुनी रुपमा आर्जन गरिएको रकम जफत गर्न र सहसचिव श्रेष्ठलाई कारबाही गर्न अदालतमा मुद्धा दायर गरिएको सहप्रवक्ता कोइरालाले बताउनुभयो ।