जथाभाबी फोहर फाल्नेबाट वीरगञ्ज महानगरले उठायो २७ लाख रुपैयाँ
चैत १६, २०८० शुक्रबार
डिफेन्डिङ च्याम्पियन जर्मनीलाई एक–शून्यले हराएपछि मेक्सिकन नागरिकमा खुशीको सीमा थिएन । मेक्सिकोले विश्वकप इतिहासमा पहिलो पटक जर्मनीलाई हराएको थियो । साथै जर्मनी पनि ३६ वर्षमा पहिलो पटक विश्वकपको पहिलो खेल हार्न पुग्यो ।
El #sismo detectado en la Ciudad de México se originó de manera artificial. Posiblemente por saltos masivos durante el Gol de la selección de #México en el mundial. Por lo menos dos sensores dentro de la Ciudad lo detectaron a las 11:32. pic.twitter.com/mACKesab3b
— SIMMSA (@SIMMSAmex) 17 June 2018
खेल रुसमा भएको थियो तर भूकम्प मेक्सिकोमा गयो । इन्ष्टिच्यूट अफ् जियोलोजिकल एण्ड एट्मोसफेरिक इन्भेष्टिगेशनका अनुसार आइतबार मेक्सिकोको राजधानी मेक्सिको सिटीका दुई ठाउँमा भूकम्पको धक्का महसुस भएको थियो । मेक्सिकोका लागि हिर्विङ लोजानोले ३५ औँ मिनेटमा गोल गरेको ७ सेकेण्डपछि भूकम्पको धक्का महसुस भएको इन्ष्टिच्यूटले जनाएको छ । यसलाई उनीहरुले ‘आर्टिफिसियल क्वेक’ अर्थात कृत्रिम भूकम्पको संज्ञा दिएका छन् । प्रशंसकहरु जितको खुशीयाली उफ्रिँदा कृत्रिम भूकम्प गएको बताइएको छ ।
मेक्सिको सिटीका विभिन्न ठाउँमा ठूला–ठूला प्रोजेक्टरमा खेल देखाइएको थियो । प्रशंसकहरु हातमा मेक्सिकोको झण्डा लिएर, मेक्सिकोको परम्परागत ‘सोम्ब्रेरो’ ह्याट लगाएर खेल हेर्न आएका थिए ।
जब मस्कोमा भएको खेलमा मेक्सिकोले जर्मनीलाई १–० ले हरायो, उनीहरुलेदेशको अनौपचारिक फुटबल एन्थेम ‘सिलितो लिन्दो’ अर्थात ‘सुन्दर सानो आकाश’ गाउन थाले ।
मेक्सिकोले जर्मनीमाथि जित हात पारेपछि मेक्सिकोको राष्ट्रपति उम्मेदवार आन्द्रेस म्यानुएल लोपेजले भनेका छन्, ‘आज जसरी जित्यो, मेक्सिकोले यसरी नै जित्दै जान्छ ।’ प्रशंसकले मेक्सिकन गोलरक्षक गुइलेर्मो ओचोआको प्रशंसा गरेका छन् । कतिपयले त उनलाई मेक्सिकोको राष्ट्रपतिको उपनामसमेत दिएका छन् । मेक्सिकोले आउँदो शनिबार दक्षिण कोरियासँग खेल्नेछ ।
समूह एफमा मेक्सिको, जर्मनी, दक्षिण कोरिया तथा स्विडेन रहेका छन् ।