न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
डोटी – डोटीको जोरायल गाउँपालिका–२, धारापानीमा से ६ प १४५३ नम्बरको मोटरसाइकललाई एउटा गाडीले ठक्कर दिँदा एकजनाको ज्यान गएको छ भने अर्का एकजना घाइते भएका छन् ।
इलाका प्रहरी कार्यालय बुडरका प्रहरी नायब निरीक्षक रुपसिंह थापाले दिनुभएको जानकारी अनुसार गाडीको ठक्करबाट मोटरसाइकलमा रहेका कैलाली हसनपुर बस्ने १९ वर्षीय प्रज्वल शाह घाइते भएका थिए ।
घाइते शाहको सेती अञ्चल अस्पताल धनगढीमा उपचारको क्रममा सोमबार ज्यान गएको बुडर प्रहरीले जनाएको छ ।
दुर्घटनामा घाइते भएका मोटरसाइकल चालक त्यसै ठाउँका बस्ने २० वर्षीय रोशन लामाको सेती अञ्चल अस्पतालमा उपचार भइरहेको छ ।
ठक्कर दिने गाडीको नम्बर नखुलेको र खोजी कार्य भइरहेको प्रहरी नायब निरीक्षक थापाले जानकारी दिनुभयो । आइतबार साँझ मोटरसाइकललाई ठक्कर दिएर गाडी र चालक अहिलेसम्म फरार रहेको प्रहरीले जनाएको छ ।