प्रिमियर लिगमा आज राति आर्सनल र चेल्सी खेल्दै
बैशाख ११, २०८१ मंगलबार
काठमाडौं – सरकारले थोरै खाली ठाउँ देख्यो कि विमानस्थल बनाउने योजना बनाउने गरेको बजेट छुट्याइहाल्ने गरेको भन्दै आलोचना भैरहेको छ ।
पछिल्लो समय काठमाडौंको त्रिभुवन अन्तर्राष्ट्रिय विमानस्थलमा हवाई चाप बढेको भन्दै काभ्रेको नागिडाँडामा आन्तरिक विमानस्थल बनाउन सरकार तातिएको छ । विज्ञहरुले नै काठमाडौंको विकल्प नागिडाँडा नहुने बताउँदै आएका छन्, सरकारले भने प्रारम्भिक अध्ययनको लागि बजेट नै छुट्याएको छ ।
तर नेपाल नागरिक उड्ययन प्राधिकरणले भने विमानस्थल चल्ने भए पनि, नचल्ने भए पनि सरकारले भनेपछि विमानस्थल बनाउनैपर्ने बाध्यता रहेको बताएको छ । त्रिभुवन अन्तर्राष्ट्रिय विमानस्लमा भएको उद्दार तथा अग्नि नियन्त्रणसम्बन्धी सेमिनारमा नागरिक उड्ययन प्राधिकरणका महानिर्देशक सञ्जिव गौतमले विमानस्थल बनाएर फाइदा या बेफाइदा के हुन्छ भन्नेतिर नलागी सरकारले जहाँ भन्छ आफूहरुले त्यहीँ विमानस्थल बनाउने बताउनुभयो ।
तपाईँहरुले नचाहिने ठाउँमा विमानस्थल बनाउनु भन्दा त त्रिभुवन विमानस्थलको सुरक्षा भरपर्दो हुने सामग्री किने हुँदैन र ? सेमिनारमा सहभागी एक पत्रकारको प्रश्नमा महानिर्देशक गौतमले भन्नुभयो, ‘तपाईँले भनेको कुरा त ठिकै हो, तर हामीलाई त सरकारले जहाँ विमानस्थल बनाउ भन्छ त्यहीँ बनाउने हो, संसदले नै विधेयेक पारित गरेपछि हामीले बनाउँदैनौं भन्न त मिलेन नी ।’
काभ्रेको नागिडाँडा विमानस्थल बनाउने विषयतर्फ संकेत गर्दै महानिर्देशक गौतमले भन्नुभयो, ‘सरकारले विनियोजन विधेयेकमा पारेको योजना हामीले हुन्न भन्न मिल्दैन, सरकारले जहाँ भन्छ त्यहीँ बनाउने हाम्रो काम हो’