न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाण्डौ – भाडा लिएर मोटरसाइकलको पछाडि मान्छे बोक्ने टुटल कम्पनीमाथि करछलीको अभियोगमा कारबाही हुने भएको छ ।
अनुसन्धानको क्रममा टुटलले भ्याट छलेको पाइएकोले कारबाहीको तयारी भैरहेको आन्तरिक राजश्व विभाग स्रोतले जनाएको छ ।
सेवाग्राहीसँगबाट १३ प्रतिशत भ्याट लिने गरे पनि मूल्य अभिवृद्धि कर भ्याटमा दर्ता नभएको पाइएपछि आन्तरिक राजश्व विभागले माघ ९ गतेदेखि छानबिन थालेको थियो ।
‘भ्याटमा दर्ता नभइकन यात्रुसँग १३ प्रतिशत बढी रकम असुलेको पाइएको छ, ठ्याक्कै अमाउन्ट अझै निस्केको छैन, तर करछली हो भन्नेमा हामी नजिक पुगेका छौं’ स्रोतले उज्यालो अनलाइनलाई जानकारी दियो ।
विभागका उपमहानिर्देशक तथा प्रवक्ता यज्ञप्रसाद ढुंगेलले पनि टुटलले कर छली गरेको विषयमा केही तथ्य फेला परेको बताउनुभएको छ ।
‘हामीले करछलीका केही इस्यू फेला पारेका छौँ, अनुसन्धानकै क्रममा भएकाले केही कुरा अहिले नै सार्बजनिक गर्न मिल्दैन, अनुसन्धान केही दिनमै टुंगिन्छ र दोषी पाइएमा तत्कालै कारबाही अघि बढ्छ ।’ ढुंगेलले भन्नुभयो ।
यातायात व्यवस्था ऐनमा निजी प्रयोजनको लागि दर्ता भएकाले सवारीसाधनले भाडा लिएर यात्रु बोक्न नपाइने व्यवस्था गरे पनि राइड शेयरिङको रुपमा नेपालमा टुटल र पठाओले व्यापार गरिरहेका छन् ।
टुटल र पठाओले गैरकानुनी रुपमा व्यापार गरिरहेको भन्दै आलोचना भैरहेको छ भने सस्तोमा सेवा दिइरहेको भन्दै यसको बचाउ पनि भैरहेको छ ।
टुटलले १९ महिनासम्म उपभोक्ताबाट १३ प्रतिशत भ्याट असुले पनि आफू नै भ्याटमा दर्ता नभएको तथ्य सार्वजनिक भैसकेको छ ।