कैलालीका सात नदीमा तटबन्ध निर्माण शुरु
बैशाख ८, २०८१ शनिबार
मोरङ – विराटनगरमा मृत भेटिएकी बालिकाको बलात्कार पछि हत्या भएको पाइएको छ ।
आइतबार जिल्ला प्रहरी कार्यालय मोरङले पत्रकार सम्मेलन गरी घटनाको बारेमा जानकारी दिँदै बालिकालाई लागू औषध प्रयोगकर्ता २ जना स्थानीय युवाले बलात्कार गरी हत्या गरेको सार्वजनिक गरेको हो ।
गएको माघ १२ गते राति करिब ८ बजेको समयमा विराटनगर महानगरपालिका वडा नम्बर ८ बलुवाही की १० वर्षीय बालिका रूमती दास हराइन् । उनका बुवा रामप्रसाद दासले जिल्ला प्रहरी कार्यालय मोरङमा १३ गते उजुरी दर्ता गर्दै थिए । रामले उजुरी दर्ता गराएको केही समय नुहँदै बालिकाको शव सिंघिया खोलामा फेला परेको जानकारी प्रहरीमा आयो ।
मृतकको हजुरआमा सीतादेवी दासले शव खोलामा डुबेको देखेपछि सिंघिया खोलाको किनारमा ल्याएर नाङ्गै रहेको शवलाई सलले छोपिन् र आफन्त तथा प्रहरीलाई खबर गरिन् ।
घरभन्दा करिब ६ सय मिटर तल सिंघिया खोला किनारमा मृतकको शव भेटिएको थियो । मोरङका प्रहरी उपरीक्षक मनोजकुमार केसीले दिनुभएको जानकारी अनुसार बालिकाको शव मुखबाट रगत बगेको, घाँटीमा कालो निल डाम देखिएको, यौनाङ्ग वरिपरी रगत जमेको अवस्थामा फेला परेको थियो ।
घटनापछि प्रहरीले २४ जनामाथि अनुसन्धान गरेको थियो । ती मध्ये २ जना दोषी भेटिएको हुन् ।
अब्बास अन्सारी नाम गरेका एक युवक भारतको जोगवनी गएर लागू औषध ल्याउने गर्थे । घटना भएको दिन पनि अन्सारीले ६ वटा नाइट्रोसन ट्याब्लेट ल्याएको प्रहरीको सुक्ष्म अध्ययनले देखाएको छ ।
अन्सारीले त्यो दिन एक महिलालाई आधा ट्याब्लेट खुवाउन खोजेका थिए तर ती महिलाले खान नमाने पछि आफैँले खाएका थिए ।
त्यस लगत्तै रक्सी खाएर मातेर आएका चन्दु महतोलाई अन्सारीले गाउँकी छिमेकी महिलासँग यौन सम्पर्क राख्ने इच्छा ब्यक्त गरे । त्यसपछि अन्सारीलाई चन्दुले पनि सहयोग गरे । उनीहरु दुवैजना बाहिर निस्किए ।
त्यतिबेला राति आठ बजिसकेकाे थियो बाहिर निस्किएकी बालिका रुमती दासलाई ती युवाहरुले देखे । उनीहरुले बलात्कार गर्ने योजना बनाएरै बालिकाको मुख थुनेर चौरमा लगी बलात्कार गरेको प्रहरीको अनुसन्धानबाट खुलेको छ ।
‘दुबै जनाले पालैपालो बलात्कार गरेपछि बालिकालाई घाँटीमा अठ्याएर मारेको पाइयो, एसपी केसीले भन्नुभयो, ‘बालिका रुमतीको हत्या लगतै उनीहरुले खोलामा बगाएका थिए ।’
यसरी बालिका बलात्कार पछि हत्याको आरोपमा प्रहरीले २ जनालाई सार्वजनिक गरेको हो । पक्राउ पर्नेमा विराटनगर महानगरपालिका– ८ बलुवाहीका वर्ष १९ का चन्दु महतो र सोही स्थान बस्ने वर्ष २५ को भुट्टु भन्ने अब्बास अन्सारी रहेका छन् । यी दुवैजना मजदूरी गर्ने र लागू औषध प्रयोगकर्ता रहेको प्रहरीले जनाएको छ ।
पक्राउ परेका दुबैलाई जवरजस्ती करणी गरी कर्तब्य ज्यान अपराध गरेको कसुरमा जिल्ला अदालत मोरङमा म्याद थप गरस् अनुसन्धान सुरु भएको प्रहरी निरीक्षक केसीले बताउनुभयो ।