१६ वर्षीया किशाेरीलाई बलात्कार गरेर फरार रहेका अभियुक्त पक्राउ

 माघ २३, २०७५ बुधबार २०:२:८ | हरि हुमागाईं
unn.prixa.net

काठमाण्डाै - १६ वर्षकी किशाेरीलाई जबरजस्ती करणी गरी फरार रहेका एक जनालाई मकवानपुर प्रहरीले पक्राउ गरेको छ ।  

पक्राउ पर्नेमा मकवानपुर जिल्लाकाे कैलाश गाउँपालिका ३ बस्ने २३ वर्षीय प्रविण भन्ने विष्णु प्रसाद भुजेल रहेको जिल्ला प्रहरी कार्यालय मकवानपुरले जनाएको छ ।

२०७५ साल कात्तिक महिनाको दोस्रो हप्ता पीडित किशाेरीलाई कैलाश गाउँपालिका वडा नम्बर १० मा रहेकाे जंगलमा लगेर जबरजस्ती करणी गरी फरार रहँदै आएका विष्णुलाई मंगलबार प्रहरीले गाउँबाटै पक्राउ गरेको हो । करणीबाट किशाेरी गर्भवती भएपछि प्रहरीमा उजुरी परेकाे थियाे ।  

पक्राउ परेका विष्णुलाई जिल्ला अदालतबाट मुलुकी फौजदारी अपराध (संहिता) ऐन २०७४ को परिच्छेद १८ को करणी सम्बन्धी कसुरमा म्याद थप गरी थप अनुसन्धान भइरहेको जिल्ला प्रहरी कार्यालय मकवानपुरका प्रवक्ता प्रहरी निरीक्षक मधुकुमार थापाले जानकारी दिनुभयाे ।  

अन्तिम अपडेट: बैशाख २३, २०७६

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको जिल्ला अध्यक्ष समेत हुनुहुन्छ । 

तपाईको प्रतिक्रिया