अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
काठमाण्डाै - नेपाल भलिबल संघले ‘मनोरञ्जनरमण शर्मा वर्षको उत्कृष्ट खेलाडी पुरस्कार’ बाट पुरुष तर्फ दानबहादुर भट्ट र महिला तर्फ सरस्वती चौधरीलाई सम्मान गरेको छ ।
नेपाल भलिबल संघले केही साता अगाडि गरेको एनभीए राष्ट्रिय भलिबल प्रतियोगितामा उत्कृष्ट पुरुष र महिला खेलाडी बनेकालाई नै यो अवार्डबाट सम्मान गरिएको हो । दुवै खेलाडीले जनही ३०–३० हजार रुपैयाँ पाएका छन् ।
महिला भलिबलमा एकछत्र राज गरेकी सरस्वती चौधरी यो वर्षमात्र चार वटा प्रतियोगितामा उत्कृष्ट खेलाडी बनेकी थिइन् ।
कार्यक्रममा भलिबल संघका महासचिव जितेन्द्रबहादुर चन्दले मनोरञ्जनरमण शर्माको कोषमा अहिले कूल ९७ हजार रुपैयाँ रहेको र त्यसबाट ६० हजार रुपैयाँ सम्मानमा खर्च गरेको बताए । अर्को संस्करणमा सम्मानित हुने खेलाडीलाई ५० हजार दिने लक्ष्यका साथ बाँकी रकम राखिएको उहाँले बताउनुभयाे ।