न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
दैलेख – श्रीमतीको हत्या गरेको ठहर गर्दै दैलेख जिल्ला अदालतले नौमूले गाउँपालिका–७ पैतिका ५४ वर्षीय दलबहादुर बस्नेतलाई २० वर्ष कैदको फैसला सुनाएको छ ।
जिल्ला न्यायाधीश सनतचन्द्र लवटको इजलासले आइतबार यस्ताे फैसला गरेको दैलेख जिल्ला अदालतका प्रवक्ता बिनोद आचार्यले जानकारी दिनुभयो । २०७४ साउन २ गते कान्छी श्रीमती हरिकला बस्नेतलाई कुटपिट गरी ज्यान गएपछि बार्दलीमा झुण्ड्याएको भन्ने प्रहरी अनुसन्धान र चिकित्सकको प्रतिवेदनबाट अभियोग पुष्टि भएको फैसला लेखिएको छ ।
झुण्डिएर ज्यान गएको भन्ने दैलेख जिल्ला अस्पतालको पोष्टमार्टम रिपोर्ट र दलबहादुरले हत्या गरेको आरोप अस्वीकार गरे पनि घटनास्थलमा खिचिएको रंगीन फोटो, टेलिफोन सम्वादको कल रेकर्ड र विधिविज्ञान प्रयोगशालाको विशेषज्ञ चिकित्सकको प्रतिवेदनले हत्यापछि झुण्ड्याइएको प्रमाणित भएकाे फैसलामा व्याख्या गरिएको छ ।
घटनामा दलबहादुर बस्नेतकी जेठी पत्नी ५७ वर्षीया रामसरा बस्नेतको समेत संलग्नताको आरोप लगाइए पनि अदालतले उनको संलग्नता नपाइएको भन्दै सफाइ दिएको छ ।
प्रहरी अनुसन्धानको क्रममा २४ दिन हिरासतमा बसे पनि थुनछेक बहसपछि नै रामसरालाई तारेखमा छोडिएको थियो । मुख्य आराेपित दलबहादुरलाई भने पुर्पक्षका लागि कारागारमा थुनामा राखिएको थियो ।
दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।