कपिलवस्तुमा पहिलो पटक निग्रोधाराम उत्सव सम्पन्न

 चैत ६, २०७५ बुधबार २०:१३:६ | गोपाल भण्डारी
unn.prixa.net

कपिलवस्तु –  जिल्लामा पहिलो पटक निग्रोधाराम उत्सव सम्पन्न भएको छ । शाक्यमुनि बुद्धले ज्ञान प्राप्त गरेपछि पहिलो पटक गृह नगर कपिलवस्तु आएको दिनको स्मरण गर्दै आज धुमधामका साथ कुदान क्षेत्रमा उत्सव सम्पन्न गरिएको हो । 

उत्सवको उद्घाटन गर्दै प्रदेश नं. ५ का पर्यटन, उद्योग वन तथा वातावरण मन्त्री लीला गिरीले लुम्बिनीको विकाससँगै अब कपिलवस्तुका बौद्धकालीन पुरातात्विक स्थलको विकासमा प्रदेश सरकारले विशेष चासो लिएको बताउनुभयो । बुद्धसँग सम्बन्धित क्षेत्रहरुलाई व्यवस्थित गरेर यसलाई अन्तर्राष्ट्रिय स्तरको गन्तव्यको रुपमा स्थापित गरिने मन्त्री गिरीले बताउनु भयो । मन्त्री गिरीले दश वर्षभित्र देशको प्रमुख अर्थतन्त्र पर्यटनमा अधारित हुने बताउनुभएको छ । 

त्यस अवसरमा लुम्बिनी विकास कोषका उपाध्यक्ष अवधेशकुमार त्रिपाठीले भगवान बुद्ध, यहाँ हुर्केका एक बालक बुद्ध भएर फर्किँदा पहिलो चोटी आफ्नो नगर आउँदा भनेर सुरुवात गरेको पुण्यतिथिलाई लिएर र निग्राधारामको महत्वलाई उजागर गर्न उत्सवको आयोजना गरिएको बताउनुभएको छ ।

कार्यक्रममा प्रदेश सभा सदस्य तथा प्रदेश नं. ५ का संसदका सामाजिक विकास समितिका सभापति दीर्घनारायण पाण्डेय, प्रदेश सभा सदस्यहरु धरमबहादुर लाल श्रीवास्तव, रुन्धावती दुवे, रिना नेपाललगायतको उपस्थिति रहेको थियो । 

 

अन्तिम अपडेट: चैत २, २०८०

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ । 

तपाईको प्रतिक्रिया