भारतमा लोकसभा चुनावको पहिलो चरणको मतदान शुरु
बैशाख ७, २०८१ शुक्रबार
रामेछाप – गिरिजाप्रसाद कोइराला फाउण्डेशन रामेछापले कोइरालाको नवौं स्मृति दिवसको अवसर पारेर अस्पतालमा उपचाररत बिरामीहरुलाई बिहीबार फलफूल वितरण गरको छ ।
फाउण्डेशनले सदरमुकाम मन्थलीमा रहेकाे तामाकोशी सहकारी अस्पताल, रामेछाप सामुदायिक अस्पताल, प्राथमिक स्वास्थ्य केन्द्र र मन्थली पोलिक्लिनिकमा भर्ना भएर उपचार गराइरहेका बिरामीहरुलाई स्वास्थ्य लाभको कामना गर्दै फलफूल वितरण गरिएको फाउण्डेशनका अध्यक्ष दीपक खड्काले जानकारी दिनुभयाे ।
सङ्घीय लोकतान्त्रिक गणतन्त्रका नायक तथा पूर्व प्रधानमन्त्री गिरिजाप्रसाद कोइरालाको २०६६ साल चैत ७ गते निधन भएको थियो । भारतको विहार राज्यको टेडी, सहर्षामा निर्वासित जीवन बिताइरहेको समयमा विसं १९८१ मा कोइरालाको जन्म भएको थियो ।
विराटनगर जुट मिलमा मजदूरको रुपमा रहेर त्यहींबाट नेपाली राजनीतिको नेतृत्व गरेका गिरिजाप्रसादको नेतृत्वमै २०६२–६३ को आन्दोलन सफल भएको थियो ।
दीपक भट्ट उज्यालोका रामेछाप सहकर्मी हुनुहुन्छ ।