सुन तस्करी प्रकरणमा पक्राउ परेका महरा अस्पताल भर्ना
चैत ६, २०८० मंगलबार
काठमाण्डाै - नेपाली कांग्रेसका महामन्त्री डा. शशांक कोइरालाले संघीयता र गणतन्त्रको विरोधमा आफूले कुनै पनि अभिव्यक्ति नदिएको दावी गर्नु भएको छ ।
महामन्त्री कोइरालाले संघीयता र गणतन्त्र राजनीतिक उपलब्धि भएको उल्लेख गर्दै त्यसको संस्थागत विकास गर्नुपर्ने कुरामा आफ्नो जोड रहेको पनि बताउनु भयो । बुधबार काठमाण्डौ टोखामा रहेकाे आफ्नै निवासमा सञ्चारकर्मीमाझ जनताले चाहे गणतन्त्र र संघीयताका विषयमा जनमत संग्रहमा जान कांग्रेस तयार रहेको अभिव्यक्ति दिएर विवादमा पर्नु भएका महामन्त्री कोइरालाले बिहीबार चितवनको भरतपुरमा बोली फेर्नु भएको हो ।
उहाँले हिन्दु राज्य स्थापनाका लागि भने सरकारलाई दबाब दिन जनतालाई पुनः अपिल गर्नुभयो ।
फरक प्रसंगमा महामन्त्री कोइरालाले नेतविक्रम चन्द नेतृत्वको नेपाल कम्युनिष्ट पार्टीसँग तत्काल संवाद गर्न पनि सरकारलाई अपिल गर्नु भयो । चन्द नेतृत्वको नेकपालाई वार्ताको टेबलमा ल्याएर समस्या समाधान गर्नुको साटो धरपकड गरेर सरकारले गल्ती गरिरहेको महामन्त्री कोइरालाको भनाइ छ ।