सुगम पोखरेलकी छोरी एन्जेलिजाको नयाँ गीत ‘मलाई उड्न देउ’ (भिडियोसहित)

असार १५, २०७५ शुक्रवार १९:३८:३१ | उज्यालो सहकर्मी

काठमाडौं – चर्चित गायक सुगम पोखरेलकी छोरी एन्जेलिजा पोखरेलले आफ्नो सांगीतिक यात्रा सुरुवात गरेकी छिन् ।

‘मलाई उड्न देउ’ बोलको गीतमार्फत उनले नेपाली सांगीतिक यात्रा सुरु गरेकी हुन् । ५ वर्षअघि नै रेकर्ड भएको यो गीतको भिडियो भने एन्जेलिजाको जन्मदिनको अवसर पारेर जन्मदिन भन्दा केही दिनअघि सार्वजनिक भएको छ । यति बेला सांगीतिक कार्यक्रमको लागि अमेरिका रहेका सुगमले आफ्नै युट्यूब च्यानलबाट यो गीत सार्वजनिक गरेका छन् ।

‘श्वेत हंशिनी’ संग्रहमा समावेश रहेको गीतमा शब्द तथा संगीत सुगम पोखरेलको रहेको छ भने संगीत संयोजन शैलेन्द्र प्रधान (बाबु) को रहेको छ । सै संग्रहमै एन्जेलिजनले गाएको अर्को गीत सरस्वती बन्दना पनि समेटिएको सुगमले बताए ।