सलमान खानकाे प्रेरणाले सिनेमामा अाएका अनुभव रेग्मी

असार १८, २०७५ सोमवार १७:२९:५१ | उज्यालो सहकर्मी

काठमाडाैं - बालकलाकार अनुभव रेग्मी साेमबारदेखि १२ वर्षमा प्रवेश गरेका छन् । उनी सानै उमेरमा सफलता पाउने कलाकारमा पर्छन् ।

वि.स २०६४ साल असार १८ गते काठमाडौंमा जन्मिएका अनुभवले ९ महिनाको उमेरदेखि सिनेमामा काम गर्न थालेका हुन् । उनले ९ महिनाको हुँदा सिनेमा ‘तोड’मा काम गरेका थिए । त्यसपछि उनले ‘भिजा गर्ल’मा काम गरे ।

‘भिजा गर्ल’ पछि अनुभवले काम गरेको ‘रियो पुन्टे’को विज्ञापन हेरेपछि निर्देशक विकासराज आचार्यले सिनेमा ‘नाइँ नभन्नु ल २’मा शीर्ष भूमिकामै उनलाई लिए ।

अनुभवको शीर्ष भूमिका रहेको पहिलो सिनेमा नै हिट भयो । स्पष्ट भन्ने हो भने अनुभव यही सिनेमाबाट एकाएक सेलेब्रिटी बन्न पुगे ।

सलमान खानका कारण सिनेमामा

अनमोलको सिनेमा प्रवेशमा बलिउड अभिनेता सलमान खानको विशेष भूमिका छ । सलमानको सिनेमा ‘दबंग’ हेरेपछि नै अनुभवलाई सिनेमामा रुचि बढेको थियो ।

त्यसअघि उनी सिनेमा ‘आचार्य’को सेटमा काम गर्न गएर कामै नगरी फर्केका थिए ।

बुवा अरुण रेग्मी र आमा कविता रेग्मी पनि यही क्षेत्रमा आवद्ध हुनु अनमोल सिनेमामा आउनुको अर्को कारण हो ।

अनुभवले ‘रिदम’, ‘काली’, ‘नाईं नभन्नू ल २’, ‘नाईं नभन्नू ल ३’ नाइँ नभन्नु ल ४, ए मेरो हजुर २, शब्द, आवरण लगायत दर्जनौं सिनेमामा काम गरिसकेका छन् ।

उनको मुख्य भूमिका रहेको सिनेमा‘नाई नभन्नु ल ५’ प्रदर्शनको तयारीमा छ ।

उनले यो सिनेमामा अभिनेत्री सेड्रिना शर्माको जोडीको रुपमा काम गरेका छन् । यो सिनेमा भदौ ८ गतेदेखि प्रदर्शनमा आउनेछ ।

उज्यालो र गफगाफ डट कमको सहकार्यमा

अन्तिम अपडेट: साउन ११, २०७५

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सलमान खानकाे प्रेरणाले सिनेमामा अाएका अनुभव रेग्मी

सलमान खानका कारण सिनेमामा

तपाईको प्रतिक्रिया

यो पनि पढ्नुहोस्

सम्बन्धित समाचार