पश्चिम अफ्रिकाका केही देशमा पछिल्लो दुई सय वर्षयताकै धेरै गर्मी
बैशाख ६, २०८१ बिहिबार
काठमाण्डाै - सरकारले ल्याएको गुठी विधेयक तत्काल खारेज गर्न माग गर्दै काठमाण्डौको माइतीघर मण्डलमा भेला भएका प्रर्दशनकारीमाथि प्रहरीले हस्तक्षेप गरेको छ ।
गुठी विधेयकप्रति आपत्ति जनाउँदै आइतबार बिहान काठमाण्डौको माइतीघर मण्डलामा प्रर्दशनमा उत्रेका प्रर्दशनकारीहरुलाई प्रहरीले पानीको फोहोरासहित धरपक्कड गरेको हो । धरपक्कडमा परी एक दर्जनबढी घाइते भएका छन् ।
यसैबीच, प्रर्दशनकारीहरुले विधेयक तत्काल फिर्ता नलिए आफूहरु रगतको खोलो बगाउन तयार रहेको चेतावनी दिएका छन् । सामाजिक अभियन्ता भरत जंगम, नेवा देय दबुका अध्यक्ष नरेश ताम्राकार, नेपाल भाषा मंका खलका सचिव नरेशवीर शाक्यले देशको धर्म, संस्कृति र सभ्यता समाप्त हुने गरी सरकारले ल्याएको विधेयक फिर्ता नलिए देशभर आन्दोलन चर्काउने चेतावनी दिनुभएको हो ।
गुठी संस्थानलाई खारेज गरेर प्राधिकरण गठन गर्ने त्यस विधेयकको प्रावधानप्रति उनीहरुको विशेष आपत्ति रहिआएकाे छ ।
दुई तिहाइ बहुमतको सरकारले ल्याएको विधेयक पारित हुने आशंका गर्दै सरोकारावालाहरुले सो विधेयक खारेज गर्न माग गर्दै गत एक हप्तादेखि विरोध प्रर्दशन गर्दै आएका छन् । उनीहरुले विधेयक दुई दिनभित्र फिर्ता नलिए सिंगो देश नै ठप्प हुने गरी आन्दोलन चर्काउने चेतावनी दिएका छन् ।