भारतमा लोकसभा चुनावको पहिलो चरणको मतदान शुरु
बैशाख ७, २०८१ शुक्रबार
आईसीसी एक दिवसीय विश्वकपमा अहिले पाकिस्तान र अष्ट्रेलिया बीच खेल हुँदैछ जसमा पाकिस्तानले टस जितेर बलिङ गर्ने निर्णय गरेको छ ।
आजको खेलमा पाकिस्तान टिममा एक खेलाडी परिवर्तन गरिएको छ । साहबको स्थानमा साहिन अफ्रिदी टिममा परेका छन् ।
आफ्नो पूरा सामर्थ्यका साथ अष्ट्रेलियाले गरेकाे बलिङ आक्रमण भारतविरुद्धको खेलमा दमदार देखिन सकेको थिएन । त्यसैकारण गएको बिहीबार ओभल मैदानमा ३ सय ५४ रनको लक्ष्य पछ्याउने क्रममा अष्ट्रेलियाका ब्याट्सम्यानले साविक विजेताको साख जोगाउन आफ्नो शतप्रतिशत प्रदर्शनको प्रयास गरेका थिए । तर, जवाफी पारीमा अष्ट्रेलियाकाे महत्वपूर्ण समयमा उसले विकेट गुमाइरहेको थियो । यद्यपी एलेक्स क्यारीको प्रदर्शनले सायद सबैको ध्यान खिचेको थियो ।
पुरै ब्याटिङ पंक्तिमा उनै एक जनाले च्याम्पियन शैलीमा रन बटुलेका थिए । एरोन फिन्चको टोली त्यही जितलाई निरन्तरता दिने अभियानमा हुनेछ ।
पाकिस्तान आफूमाथि लागेको ‘अप्रत्यासित टिम’को ट्यागमा खरो उत्रिएको छ र अहिलेसम्म प्रतियोगितामा त्यसको विपरीत प्रदर्शन गरिरहेको छ । उसले प्रतियोगिताको आफ्नो पहिलो खेलमा वेष्ट इण्डिजसँग लज्जास्पद ७ विकेटको हारपछि घरेलु टोली इंग्ल्याण्लाई १४ रनले पराजित गरेको थियो ।