फिफा महिला विश्वकप : दक्षिण कोरियामाथि नाइजेरियाको जित

 जेठ ३०, २०७६ बिहिबार ७:२९:११ | एजेन्सी
unn.prixa.net

फिफा महिला विश्वकप फुटबलमा नाइजेरियाले पहिलो जित निकालेको छ । समूह एको खेलमा नाइजेरियाले दक्षिण कोरियामाथि २–० को जित निकाल्न सफल भएको हो ।

नाइजेरियाले पहिलो खेलमा नर्वेसँग पराजित भएको थियो । दक्षिण कोरियामाथि २–० को जित निकाल्दै समूहमा तीन अंक जोडेको छ । नाइजेरियाको जितमा दक्षिण कोरियाले एक गोल उपहार दिएको थियो ।

कोरियाकी डो योन किमले बल क्लियर गर्न नसक्दा आफ्नै पोस्टमा प्रहार गरेकी थिइन् । आत्मघाति गोल मार्फत अग्रता लिएको नाइजेरियाले ७५ औं मिनेटमा दोस्रो गोल गर्दै जित सुनिश्चित गरेको थियो ।

एसिस्ट लामिना ओसालाले गोल गर्दै २–० को अग्रता दिलाएकी हुन् । त्यसपछि थप गोल नभएपछि दक्षिण कोरिया फिफा महिला विश्वकपमा लगातार दोस्रो खेलमा पराजय हुन पुग्यो ।

अन्तिम अपडेट: साउन ४, २०७६

तपाईको प्रतिक्रिया