न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
धादिङ – धादिङको नीलकण्ठ नगरपालिका वडा नम्बर–२, भुलभुलेमा मंगलबार भएको जीप दुर्घटनामा १० जना घाइते भएका छन् ।
ग १ ज ६०६१ नम्बरको बोलेरो जीप धादिङबेसीबाट पात्लेतर्फ जाँदै गर्दा दुर्घटना भएको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रुपक खड्काले जानाकारी दिनुभयो ।
यात्रु लिएर गाउँतर्फ जाँदै गरेको अवथामा अनियन्त्रित भई सडकबाट पल्टिएपछि १० जना घाइते भएका हुन् । घाइतेमध्ये चार जनाको अवस्था गम्भीर रहेको छ । अवस्था गम्भीर भएका घाइतेलाई थप उपचारका लागि काठमाण्डौ ट्रमा सेन्टरमा पठाइएकाे छ भने ६ जना घाइते जिल्ला अस्पतालमा उपचार भइरहेको छ ।
दुर्घटनापछि स्थानीय र प्रहरीले घटनामा उद्धार गरेका थिए ।
धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।