पश्चिम अफ्रिकाका केही देशमा पछिल्लो दुई सय वर्षयताकै धेरै गर्मी
बैशाख ६, २०८१ बिहिबार
काठमाडौं – सरकारी वार्ता टोली र अनसनरत डाक्टर गोविन्द केसी पक्षबीचको दोश्रो वार्ता पनि बिना निष्कर्ष सकिएको छ ।
आज बिहान शिक्षा मन्त्रालयमा भएको वार्तामा सरकारले संसदमा दर्ता भएको चिकित्सा शिक्षा विधेयक फिर्ता गर्न नमानेपछि वार्ता बिना निष्कर्ष टुंगिएको केसी पक्षका वार्ता टोलीका सदस्य डाक्टर अभिषेकराज सिंहले जानकारी दिनुभयो ।
सरकारी पक्षले डा.केसीलाई उपचारका लागि पहिला काठमाडौं ल्याउनुपर्ने र अनि मात्रै विधेयक फिर्ता गर्ने बारे सोच्न सकिने भनेपछि वार्ता अघि बढ्न नसकेको सिंहले बताउनुभयो ।
यसैबीच १८ दिनदेखि जुम्लामा अनसनरत डा.केसीको स्वास्थ्य अवस्था थप गम्भीर भएको छ । गएरातीदेखि डा.केसीको स्वास्थ्य गम्भीर बनेपछि सरकारले आज बिहान एअर एम्बुलेन्समार्फत काठमाडौं ल्याउने प्रस्ताव वार्तामा समेत राखेको थियो । तर डा.केसीले विधेयक फिर्ता नभएसम्म आफू काठमाडौं नआउने बताएपछि उहाँलाई काठमाडौं ल्याउन समस्या भइरहेको डा.सिंहले बताउनुभयो ।
सरकारले हिजो मात्रै डा.केसीसँग वार्ता गर्न शिक्षा मन्त्रालयका सचिव खगराज बरालको नेतृत्वमा ३ सदस्यीय समिति गठन गरेको थियो । समिति गठन भएलगत्तै हिजो र आज वार्ता भए पनि कुनै सहमति हुन सकेन ।