न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काभ्रे – बनेपाको चारदोबाटोमा टिप्परको ठक्करबाट ज्यान गुमाएका नमोबुद्ध नगरपालिका ७ का ५७ वर्षीय जितबहादुर तामाङका आफन्त तथा शुभचिन्तकहरुले वीपी राजमार्गको नौबिसेमा प्रर्दशन गरेका छन् ।
तामाङको मृत्युपश्चात उनीहरुले वीपी राजमार्गको दाप्चा पुल छेउमा टायर बारेर राजमार्ग अवरुद्ध पारेका हुन् । मृतकको ठेगाना खुल्ने बित्तिकै स्थानीयले राजमार्गमा टायर बालेका थिए ।
राजमार्ग अवरुद्ध हुँदा वीपी राजमार्ग हुँदै पूर्व जाने सवारीसाधनहरु भकुण्डेमा रोकिएका छन् । पुल छेउको बीच सडकमा टायर बालेको कारण दुवैतर्फ सवारी रोकिएको प्रहरीले जनाएको छ ।
केही समयअघि बनेपामा बा २ क ३९३४ नं को टिप्परले बा ८३ प ५०७७ नम्बरको मोटरसाइकललाई ठक्कर दिँदा तामाङको ज्यान गएको थियो ।
काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।