कोरोना नियन्त्रणका लागि निजामति कर्मचारी संगठनले पाँच लाख रुपैयाँ सहयोग गर्ने

 चैत १५, २०७६ शनिबार ६:३६:४९ | उज्यालो सहकर्मी
unn.prixa.net

काठमाण्डौ - नेपाल निजामती कर्मचारी संगठनले कोरोना भाइरस संक्रमण रोकथाम, नियन्त्रण तथा उपचार कोषमा जम्मा हुनेगरी ५ लाख रुपैयाँ आर्थिक सहयोग गर्ने निर्णय गरेको छ ।

संगठनले शुक्रबार विज्ञप्ति निकाली यस्तो जानकारी दिएको हो । संगठनले  विज्ञप्तिमार्फत उपचारमा खटिएका चिकित्सक तथा स्वास्थ्यकर्मीहरूलाई आवश्यक पर्ने पीपीईको व्यवस्था गरेर मात्र कार्यस्थलमा खटाउन माग गरेको छ । त्यसका साथै जनचेतनामूलक कार्यमा लाग्न सरकारले आह्वान गरेमा संगठनका सदस्यहरू तत्पर रहेको पनि जनाएको छ ।

सरकारले गरेको यो लकडाउन मेरो लागि हो भन्ने सम्झी जीवनप्रति खेलबाड नगरी पालना गर्न सम्पूर्ण राष्ट्र सेवक कर्मचारी तथा जनसमुदायहरूमा हार्दिक अपिल समेत संगठनले गरेको छ । 

अन्तिम अपडेट: बैशाख १९, २०७७

तपाईको प्रतिक्रिया