लाेकेश बमले शतक बनाए पनि नेपालकाे 'ए' टाेली आयरल्यान्ड–उल्भ्स...
चैत १६, २०८० शुक्रबार
बझाङ – बझाङको प्रसिद्ध छबिसपाथिभेरा गाउँपालिकामा लाग्ने बान्निकी चैतली मेला सञ्चालन गरेको आरोपमा ९ जनालाई कारबाही गरिएको छ । कारबाहीमा पर्नेमा जनप्रतिनिधि, पुजारी र मन्दिर संरक्षण समितिका पदाधिकारी रहेका छन् ।
सङ्क्रामक रोग नियन्त्रण तथा रोगथाम ऐन २०२० अनुसार ९ जनालाई नै कारबाहीमा गरिएको प्रमुख जिल्ला अधिकारी उमेश पाण्डेले बताउनुभयो । गाउँपालिका वडा नम्बर २ का वडाध्यक्ष विकास ऐडी, वडा नम्बर ३ का वडाध्यक्ष केशबराज जोशी र वडा नम्बर ४ का वडाध्यक्ष अम्मरराज थापालाई एक महिना कैद र जरिबाना गरिएको छ ।
उनीहरुले प्रति दिन ३०० का दरले एक महिना बराबरको ९ हजार र थप एक सय रुपैयाँ जरिबाना तिरेर छुटेका छन् ।
यस्तै वडा नम्बर ५ का वडा अध्यक्ष तथा गाउँपालिकाका प्रवक्ता लोकेन्द्रबहादुर ठगुन्ना र मन्दिर संरक्षण समितिका सचिव राजेन्द्रबहादुर शाहीलाई ७ दिन बराबरको कैद गरिने भएको छ । उनीहरुलाई एक सय रुपैयाँ जरिवाना तिराइएको छ ।
बान्नि मष्टा मन्दिरका पुजारी निर्पप्रसाद जोशी र उनका दुईजना सहयोगी फुलपाते पण्डित डम्बरबहादुर धामी, पुजारी जयकृष्ण जोशी र स्थानीय रजबार ईन्द्रबहादुर सिंहलाई एक सय जरिबाना तिराएको प्रमुख जिल्ला अधिकारी पाण्डेले जानकारी दिनुभयो ।