तनहुँको गौरवको आयोजना पराशर मार्गमा कालोपत्र गर्न शुरु
बैशाख १२, २०८१ बुधबार
उदयपुर – उदयपुरको त्रियुगा नगरपालिका ३ को भुल्केमा रहेको मस्जिदमा १२ जनालाई कोभिड १९ को सङ्क्रमण पुष्टि भएपछि त्यो समुदायका मानिसहरुको कोरोना परीक्षणका लागि स्वाब सङ्कलन गरिएको छ ।
प्रदेश १ सरकारबाट परिचालित स्वास्थ्यकर्मीको समूहले ५३ घरमा ६० जना स्थानीय, चार जना स्वास्थ्यकर्मी र पाँच जना सुरक्षाकर्मीसहित जम्मा ६९ जनाको स्वाब सङ्कलन गरेको हो ।
सङ्क्रमितहरुसँग सम्पर्कमा आएकाहरुको पहिलो चरणमा स्वाबको नमुना लिइएको जनस्वास्थ्य कार्यालय उदयपुरका प्रमुख मोहन सुवेदीले बताउनुभयो । नमुना परिक्षणको रिपोर्ट आएपछि थप प्रक्रिया अगाडि बढाइने प्रमुख सुवेदीले जानकारी दिनुभयो ।
स्थानीयहरुलाई शारीरिक दुरी कायम गर्दै व्यवस्थित रुपमा चौरमा लाइन लगाइ पालैपालो सुरक्षित रुपमा स्वाब सङ्कलन गरिएको थियो । स्वाब सङ्कलनमा खटिएका पाँच जना सुरक्षाकर्मी र चार जना स्वास्थ्यकर्मीको पनि स्वाब सङ्कलन गरिएको हो ।