भारतको मैदानगढीबाट १९ जना नेपाली चेलीहरुको उद्दार

साउन १५, २०७५ मंगलबार १८:३८:५५ | उज्यालो सहकर्मी

भारतको मैदानगढीबाट बनारस प्रहरीले दिल्ली महिला आयोगको सहयोगमा १९ जना नेपाली चेलीहरुको उद्दार गरेको छ ।

मानव ओसारपसारका माध्यमबाट चेलीहरुलाई खाडी मुलुकमा जबर्जस्ती देह व्यापारमा लगाइन्छ भन्ने उजुरीका आधारमा उनीहरुको उद्दार गरिएको हो ।

त्यसैक्रममा ६१ वटा नेपाली तथा ७ वटा भारतीय पासपोर्ट पनि बरामद गरिएको थियो ।

केहीदिन अघि प्रहरीले दिल्ली महिला आयोगकै सक्रियतामा मुनिरकाबाट १६ जना नेपाली चेलीहरुको उद्दार गरेको थियो ।

दिल्ली महिला आयोगकी प्रमुख स्वाती मलिवालका अनुसार आयोगले चलाएको अपरेशनमा चेलीहरुको उद्दार हुनुका साथै ३ जना आरोपीहरु पक्राउ परेका छन् ।

तस्बिरहरु: अमित मिश्राकाे ट्वीटरबाट

अन्तिम अपडेट: बैशाख १२, २०८१