आयरल्यान्ड–उल्भ्ससँगकाे खेलमा नेपाल 'ए' टस जितेर बलिङ गर्दै
चैत १६, २०८० शुक्रबार
खोटाङ - आरडीटी रिपोर्ट पोजिटिभ देखिएका ७ सहित १९ जनाको पीसीआर रिपोर्ट नेगेटिभ आएपछि खोटाङको ऐसेँलुखर्क गाउँपालिकाको सिल खुला गरिएको छ ।
आरडीटी परीक्षणका क्रममा पोजिटिभ रिपोर्ट देखिएका सात जना र शंकास्पद व्यक्तिको स्वाब संकलन गरेर पीसीआर टेष्टमा पठाइएकामा सबैको रिपोर्ट नेगेटिभ देखिएपछि बुधबारदेखि सिल खुला गरिएको गाउँपालिका अध्यक्ष बिश्वनाथ निरौलाले बताउनुभयो ।
पहिलो दिन दुई जना र दोश्रो दिन पाँच जनाको आरडीटी रिपोर्ट पोजेटिभ देखिएपछि उनीहरुसहित शंकास्पद व्यक्तिको स्वाब संकलन गरेर पीसीआर परीक्षणका लागि सोमबार राष्ट्रिय जनस्वास्थ्य प्रयोगशाला टेकु काठमाण्डौ पठाइएको थियो ।
पीसीआर रिपोर्ट नेगेटिभ देखिएसँगै गाउँपालिकामा फैलिएको त्रास सामान्य बन्दै गएको छ । आरडीटी रिपोर्ट पोजिटिभ देखिएपछि गाउँपालिकाले अर्को आदेश नआएसम्मका लागि गाउँपालिकामा सवारी साधन आवत-जावत, व्यापार व्यवसाय सञ्चालन लगायतका गतिविधिमा रोक लगाएको थियो ।
आरडीटी रिपोर्ट पोजिटिभ देखिपछि बन्द गरिएको गाउँपालिकाबाट प्रवाह हुने सबै सेवालाई सुरु गराइएको अध्यक्ष निरौलाले बताउनुभयो । पहिलो दिन ४९ जनाको आरडीटी परीक्षण गर्दा दुई जना र दोश्रो दिन ५३ जनाको आरडीटी परीक्षण गर्दा पाँच जनाको रिपोर्ट पोजिटिभ देखिएको थियो ।
खोटाङमा बसेर पत्रकारिता गर्ने दमन राई उज्यालोका जिल्ला सम्वाददाता हुनुहुन्छ ।