अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
काठमाडाैं - नेपाली युवा क्रिकेटर सन्दिप लामिछाने क्यारेबियन प्रिमियर लिग खेल्न क्यारेबियनतर्फ गएका छन् ।
नेदरल्याण्ड्सविरुद्ध नेपालले खेलेको एकदिवसीय क्रिकेट प्रतियोगितामा सहभागी भएर उनी उतैबाट क्यारेबियन प्रिमियर लिग (सीपीएल) खेल्न गएका हुन् ।
सीपीएलका लागि क्रिस गेलको कप्तानीमा रहेको सीपीएलको सेन्ट किट्स एण्ड नेभिस पेट्रियट्सले ५ हजार डलरमा सन्दिपलाई आवद्ध गराएको हाे ।
सीपीएलका पाँच खेलपछि उनी मलेसियामा हुने एशिया कप छनौट खेल्न उतैबाट आउने छन् ।
यसै सिजनमा उनी आईपीएल क्रिकेटमा दिल्ली डेयरडेभिल्सबाट खेल्दा उत्कृष्ट प्रदर्शन गरेका सन्दिपको अन्तर्राष्ट्रिय क्लब क्रिकेटमा व्यस्तता पनि बढेको छ ।
सन्दिपले नेदरल्याण्ड्सविरुद्ध दुई खेलमा गरी २० ओभर बलिङ गरेर महत्वपूर्ण चार विकेट लिएका थिए ।
पहिलो खेलमा ४२ रन खर्चिएर १ विकेट लिएका सन्दिपले दोस्रो खेलमा ४१ रन दिएर ३ विकेट लिएका थिए ।