बलिउडमा फिटनेसको मामलामा एकदमै होसियार अभिनेत्री मध्येकी एक हुन अभिनेत्री करीना कपूर खान । 

एक समयमा करीनाले बलिउडमा जीरो फिगरको ट्रेण्ड नै चलाएकी थिइन् । जुन ट्रेण्डलाई कैयौं अभिनेत्रीहरुले पछ्याए ।

तर विवाह पछि करीना गर्भवति भएको बेला उनको वजन धेरै बढेको थियो । 

छोरा तैमुरलाई जन्माइसकेपछि उनले सजिलै वजन घटाएर पहिलेजस्तै स्लीम तथा फिट भइन् । उनको फिटनेसले एकपटक फेरि सबैलाई चकित बनाइदियो । 

करीना कपूर खानको बेला बेलामा जिम बाहिर खिचिएका तस्विरहरु मिडियामा आइरहन्छन् तर यस पटक उनले जिम गर्दै गरेको भिडियो सार्वजनिक भएको छ ।

करीना कपूर कस्तो एक्सरसाइज गरेर यति फिट बनेकी छिन् भन्नेकुरा सार्वजनिक भएको छ । 

सामाजिक सञ्जालमा करीनाले वर्कआउट गर्दै गरेको भिडियो सार्वजनिक भएको छ । 

भिडियोमा करीनाका साथै मलाइका अरोडा पनि देखिएकी छिन् । करीना र मलाइका एकसाथ एक्सरसाइज गरिरहेका छन् । यो भिडियो करीनाकी जिम ट्रेनर नम्रता पुरोहितले इन्स्टाग्राममा पोष्ट गरेकी हुन् । 

करीना र मलाइका पिलाटीस एक्सरसाइज गरिरहेका छन् । 

 

Oh my this crazy circuit workout with @malaikaarorakhanofficial and #KareenaKapoor with dad @samir.purohit as taskmaster!! 😍💪🏼 As they say, ‘what doesn’t kill you makes you stronger!!’ And we did come out stronger, better, fitter 💪🏼😃 like the song in the video says... Every single day I’m going to make something great.. that’s my wayyyy 💃🏻 well that’s OUR WAY!! ❤️🌟 . . . . #Pilates #PilatesGirls #Madness #Fun #MalaikaAroraKhan #NamrataPurohit #ThePilatesStudio #FitGirls #Fitness #FitIndia #Fit #Fitspiration #FitnessMotivation #KareenaKapoorKhan

A post shared by Namrata Purohit (@namratapurohit) on Aug 7, 2018 at 3:58am PDT

यो एक्सरसाइजले मांसपेशीलाई बलियो बनाउछ । यसका साथै शरीरको लचकता र बल बढाउनुका साथै दिमागलाई शान्त राख्न मद्दत गर्छ । 

अभिनेत्री करीना कपूरको केही समयअघि फिल्म ‘वीरे दी वेडीङ्ग’ प्रदर्शन भएको थियो । यो फिल्म बक्स अफिसमा सफल सावित भएको थियो ।

यसका साथै करीनाको अर्को फिल्मको पनि घोषणा भइसकेको छ । 

‘गुड न्युज’ नामक यस फिल्ममा करीनाको जोडीको रुपमा अक्षय कुमार रहनेछन् ।

साथै करीना कपूर खानले निर्देशक करण जोहरको नयाँ फिल्म पनि साइन गरिसकेकी छिन् । यस फिल्ममा करीनाका साथै रणविर सिंह र आलिया भट्ट पनि रहनेछन् ।