प्रदेश नम्बर १ : बिहीबार सार्वजनिक बिदा

 साउन २३, २०७५ बुधबार १९:५५:३१ | रासस
unn.prixa.net

माेरङ – प्रदेश नं १ को सरकारले विश्व आदिवासी जनजाति दिवसका अवसरमा यही साउन २४ गते सार्वजनिक बिदा दिने सार्वजनिक सूचना जारी गरेको छ । 

प्रदेश नम्बर १ को आन्तरिक मामिला तथा कानून मन्त्रालयले आज यहाँ सूचना जारी गर्दै बिहीबार बिदाको घोषणा गरेको हो । मन्त्रालयले प्रदेशका १४ वटै जिल्ला प्रशासन कार्यलयमा २०७४ चैत २९ गतेको प्रदेश सरकारको निर्णयअनुसार उल्लिखित बिदा दिने निर्णय भई सो को सूचना नेपाल राजपत्र खण्ड (१) विराटनगर, नेपाल, चैत २९ गते २०७४ (पूर्व अतिरिक्ताङ्क १ (अ) मा प्रकाशन भएको समेत जानकारी दिएको छ । 

सूचनामा साउन २४ गते विश्व आदिवासी दिवस, भदौ १० गते जनैपूर्णिमा, भदौ १८ गते राधाकृष्ण रथयात्राका दिन (मोरङ र सुनसरी मात्र) र कात्तिक २७ गते छठ पर्वमा सार्वजनिक बिदा दिने जानकारी गराइएको छ । 

अन्तिम अपडेट: चैत ३, २०८०

1 Comments

  • P.R.Bajracharya

    Aug. 9, 2018, 3:24 a.m.

    संघियताले बिदाको कारण देश बिभाजित भएको शन्देश / केन्द्र सरकारले जारी गर्नुपर्ने सूचना प्रदेश सरकारले जारी गर्यो / बाँकी प्रदेशहरुमा जनै पुर्णिमा, छठ को छुट्टी हुने त होला /

  •  0 Reply

तपाईको प्रतिक्रिया