प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
भारतीय क्रिकेट टिमका पूर्वकप्तान अजीत वाडेकरको निधन भएको छ । ७७ वर्षीय वाडेकर लामो समयदेखि बिरामी थिए । बुधबार बेलुका मुम्बईमा रहेको जसलोक अस्पतालमा उनको निधन भएको हो ।
सन् १९४१ अप्रिल १ मा मुम्बईमा जन्मिएका अजीत वाडेकरले सन् १९५८ बाट प्रथम श्रेणीको क्रिकेट खेल्न थालेका थिए । सन् १९६६ देखि १९७४ सम्म उनले भारतीय टिमबाट अन्तर्राष्ट्रिय क्रिकेट खेले । सन् १९७१ मा उनी भारतीय क्रिकेट टिमको कप्तान बनेका थिए । उनकै कप्तानीमा भारतले पहिलो पटक इंग्ल्याण्ड र वेस्टइन्डिजको भूमिमा टेस्ट श्रृङ्खला जितेको थियो ।
अन्तर्राष्ट्रिय क्रिकेटबाट सन्यास लिएपछि वाडेकरले सन् १९९० को दशकमा भारतीय टिमको प्रशिक्षकको जिम्मेवारी सम्हालेका थिए । पछि उनी भारतीय टिमको मुख्य चयनकर्ता पनि बनेका थिए ।
अजीत वाडेकरलाई भारत सरकारले सन् १९६७ मा अर्जुन पुरस्कार तथा सन् १९७२ मा पद्मश्रीबाट सम्मानित गरेको थियो ।
भारतीय प्रधानमन्त्री नरेन्द्र मोदीले ट्वीट गर्दै क्रिकेटर वाडेकरको निधनमा शोक व्यक्त गरेका छन् ।
Ajit Wadekar will be remembered for his rich contribution to Indian cricket. A great batsman & wonderful captain, he led our team to some of the most memorable victories in our cricketing history. He was also respected as an effective cricket administrator. Pained by his demise.
— Narendra Modi (@narendramodi) August 15, 2018