काठमाण्डौ महानगरका सामुदायिक विद्यालयमा स्वयंसेवक परिचालन
बैशाख १२, २०८१ बुधबार
भुटानमा जारी यू–१५ साफ महिला फुटबलमा तेस्रो स्थानका लागि शनिबार नेपाल र घरेलु टोली भुटान भिड्दै छन् ।
समूह चरणमा पाकिस्तानलाई पराजित गर्दै सेमिफाइनलमा पुगेको नेपाल भारतसँग पराजित हुँदै तेस्रो स्थानका लागि भुटानसँग खेल्न लागेको हो । भुटान सेमिफाइनलमा बंगलादेशसँग पराजित भएको थियो ।
नेपाल र भुटानबीचको खेल नेपाली समय अनुसार शनिबार दिउँसो पौने ४ बजे सुरु हुनेछ । समूह चरणमा नेपालले पाकिस्तानलाई ४–० ले पराजित गरेको थियो ।
त्यसैगरी गएकाे संस्करणको उपविजेता बंगलादेशसँग भने नेपाल ३–० ले पराजित हुँदै उप विजेताका रुपमा सेमिफाइनलमा पुगेको थियो ।
तर सेमिफाइनलमा नेपाल साविक विजेता भारतसँग २–१ गोल अन्तरले पराजित भएसँगै उपाधिको होडबाट बाहिरिएको थियाे ।
उपाधिका लागि आजै गत संस्करणको विजेता भारत र उप विजेता बंगलादेश भिड्दै छन् ।