रोनाल्डोको डेब्यू, पहिलो हाफ : युभेन्टस -१, किएभो -१

 भदौ २, २०७५ शनिबार २२:३६:२६ | एजेन्सी
unn.prixa.net

पोर्चुगिज स्टार क्रिस्टियानो रोनाल्डोले इटालियन क्लव फुटबल प्रतियोगिता सिरी ए को नयाँ सिजनमा डेब्यू गरेका छन् ।

नयाँ सिजनको उद्घाटन खेलमा युभेन्टसले किएभो भेरोनासँग खेलिरहेको छ । भेरोनाको घरेलु मैदानमा भएको खेलको पहिलो हाफ सकिँदा खेल एक एकको बराबरीमा रहेको छ । खेल सुरु भएको तेस्रो मिनेटमै युभेन्टसका लागि सामी खेदिराले गोल गरेका हुन् ।

त्यसपछि खेलको ३८ औँ मिनेटमा किएभोका लागि स्टेपिन्स्कीले बराबरी गोल गरेका हुन् । रोनाल्डोलाई क्लबमा भित्र्याएपछि झन बलियो मानिएको युभेन्टसविरुद्ध भेरोना पनि आश्चार्यजनक नतिजा निकाल्ने दाउमा छ ।

युभेन्ट्सले यसै सिजन स्पेनिस क्लब रियल मड्रिडबाट रोनाल्डोलाई कीर्तिमानी ९८ मिलियन पाउन्डमा भित्र्याएको हो । रोनाल्डोकै कारण चर्चाको शिखरमा पुगेको सिरी ए फुटबलमा पनि रोनाल्डोले आफ्नो प्रभाव कायम राख्ने सक्नेछ ।

रोनाल्डोले सिरी एमा डेब्यू गर्दै गर्दा फुटबलका सर्वकालीन महान खेलाडी पेलेले रोनाल्डोलाई शुभकामना व्यक्त गरेका छन् । 
 

अन्तिम अपडेट: फागुन ३०, २०८०

तपाईको प्रतिक्रिया