एसियाली खेलकुद : अहिलेसम्म २४ देशलाई पदक, कसले के-के जिते ?

भदौ ६, २०७५ बुधवार २२:०:१६ | उज्यालो सहकर्मी

इण्डोनेसियामा जारी १८औं एसियाली खेलकुदअन्तर्गत चौथो दिनको खेल सकिँदा २४ वटा देशले पदक तालिकामा नाम लेखाउन सफल भएका छन् ।

पछिल्लो पटक पदक तालिकामा अफगानस्तिान थपिएको हो । अफगानिस्तानले उसुमा एक कास्य पदक जितेको छ ।

पदक तालिकामा चीन भने अग्रस्थानमा छ । उसले ३७ स्वर्ण, ३० रजत र १५ कास्यसहित ८२ पदक जित्न सफल भएको छ । चीनलाई पछ्याइरहेको जापानले २० स्वर्ण, २३ रजत र २५ कास्यसहित ६८ पदक जित्न सफल भएको छ ।

त्यसैगरी तेस्रो स्थानमा रहेको दक्षिण कोरियाले ११ स्वर्ण, १५ रजत र २३ कास्यसहित ४९ पदक जितेको छ । चौथो स्थानमा रहेको इरानले ७ स्वर्ण, ३ रजत र ६ कास्य गरी कूल १६ पदक जितेको छ ।

पाँचौ स्थानमा रहको इन्डोनेसियाले ६ स्वर्ण, ३ रजत र ७ कास्य गरी १६ पदक जित्दै दक्षिण कोरियालाई पछ्याइरहेको छ । चौथो दिनसम्म जम्मा २४ मुलुकले पदक तालिकामा नाम लेखाउन सफल भएका छन् ।

सम्पूर्ण पदकतालिका हेर्न यहाँ क्लिक गर्नुृहोस्

अन्तिम अपडेट: भदौ १४, २०७५