रौतहटको लालबकैया नदीमा ४० काे हाराहारीमा यात्रु बाेकेकाे डुंगा डुब्याे

भदौ ९, २०७५ शनिवार २०:१७:५० | उज्यालो सहकर्मी

रौतहट - रौतहटको सदरमुकाम गौर नगरपालिकाको वडा नम्बर ४ काे लालबकैया नदीमा डुंगा डुबेको छ ।

४० जनाजति चढेको डुंगा डुबेको प्रहरीले पुष्टि गरे पनि घटनाको थप विवरण आउन बाँकी रहेको बताइएको छ । डुंगामा रहेकामध्ये ५ जना पौडेर ज्यान जोगाएको प्रहरीले जनाएको छ ।

रौतहटका प्रमुख जिल्ला अधिकारी गोविन्द रिजाल, नेपाल प्रहरी उपरिक्षक केदार ढकाल, सशस्त्र प्रहरी उपरिक्षक कृष्ण ढकाल घटनास्थलमा पुगेका छन् ।

घटनास्थलमा उद्धारका सामग्रीसहितका सुरक्षाकर्मी पुगे पनि रातको समय भएको र नदीमा ठूलो बाढी आएकाले उद्धारमा कठिनाइ भइरहेको प्रहरीले जनाएको छ ।

घटनास्थल नेपाल भारत सीमा नजिकै पर्छ ।

अन्तिम अपडेट: भदौ १८, २०७५