पाल्पा–बुटवल सडकखण्ड दिउँसो ४ बजेसम्म बन्द

 जेठ १९, २०७५ शनिबार ९:४०:५ | उज्यालो सहकर्मी

पाल्पा, जेठ १९ – पाल्पा–बुटवल सडकखण्ड दिउँसो ४ बजेसम्मका लागि बन्द भएको छ ।

पाल्पा बुटवलको दोभान क्षेत्रमा बाटो मर्मतका लागि ४ बजेसम्म सडक बन्द गरिएको सडक डिभिजन कार्यालय पाल्पाले जनाएको छ । सामान्य वर्षा हुँदा समेत पहिरो जान थालेकाले गाडी बन्द गरेर नै पहिरो पन्छाउने र पर्खा लगाउने काम गर्न थालिएको हो ।

दोभान र सिद्धबाबा मन्दिरबीचमा बिहीबार र शुक्रबार पनि पहिरोले सडक अवरुद्ध गरेको थियो । शनिबार सडक बन्द भएपछि पाल्पाबाट बुटवल जाने र बुटवलबाट पाल्पा हुँदै गुल्मी, अर्घाखाँची, स्याङ्जा, पोखरा, पर्बत बागलुङ हिँडेका यात्रु तथा सवारीसाधन अलपत्र परेका  छन् ।

अन्तिम अपडेट: कात्तिक १७, २०७५

तपाईको प्रतिक्रिया