कैलाली – धनगढीमा एक जना महिलाले अटो रिक्सामै बच्चा जन्माएकी छन् । 

अटोरिक्सामा सुत्केरी गराउन भनी अस्पताल ल्याउँदै गरेकी धनगढी उपमहानगरपालिका –१२, ए गाउँ जुगेडाकी २५ वर्षीया पार्वती थापाले मंगलबार दिउँसो अञ्चल अस्पताल नजिकै अटो रिक्सामै बच्चा जन्माएकी हुन् । 

दिदी चन्द्रा थापाले उनलाई अटोरिक्सामा अस्पताल ल्याउँदै गर्दा बाटोमै बच्चा जन्मिएको हो । बच्चा जन्मिसकेपछि उनलाई अस्पतालको प्रसूति कक्षभित्र लगिएको थियो । सेती अञ्चल अस्पताल प्रसूति विभागकी नर्स लक्ष्मी शाहले बच्चा र आमाको अवस्था ठिक रहेको जानकारी दिएकी छन् । बच्चाको तौल ३ किलो रहेको छ । थापाले अटो रिक्सामै बच्चा जन्माएपछि मानिसहरुको भिड लागेको थियो । 

बच्चा जन्मिसकेपछि सुत्केरी थापालाई अस्पतालको प्रसूति कक्षभित्र लगियो । 

आमा र छोरा दुवैको स्वास्थ्य राम्रो रहेको सेती अञ्चल अस्पताल प्रसति विभागकी नर्स लक्ष्मी शाहले बताइन् ।