सर्लाहीको बलरामा बिहे घरमा आगलागी हुँदा दुई जना घाइते
बैशाख १२, २०८१ बुधबार
दैलेख – जिल्ला बाल कल्याण समितिका अध्यक्ष दैलेखका प्रमुख जिल्ला अधिकारी लक्ष्मीप्रसाद बास्कोटाले राउटे समुदायका बालबालिका र उनीहरुका अभिभावकहरुलाई कपडा वितरण गर्नुभएको छ ।
राष्ट्रिय बाल दिवसको अवसरमा अहिले राउटे समुदाय बस्दै आएको गुराँस गाउँपालिका–८ पाखापानीमा पुगेर सामाजिक सेवा केन्द्र (सोसेक) ले उपलब्ध गराएको लगाउने कपडा तथा ओछ्याउने म्याट दिइएको हो ।
त्यसबखत गुराँस गाउँपालिकाले आजै राउटे समुदायका १ सय ५३ जनालाई प्रति व्यक्ति २ हजारका दरले भदौ महिनाको सामाजिक सुरक्षा भत्ता पनि वितरण गरिएको छ । गाउँपालिका अध्यक्ष खेमराज ओलीले सामाजिक सुरक्षा भत्ता वितरण गर्नुभयो ।
राउटे समुदायका बालबालिकाकालाई कपडा वितरण गरेपछि प्रमुख जिल्ला अधिकारी बासकोटाले राउटे समुदायको स्वास्थ्य अवस्था सुधार गर्दै आवश्यक सहयोग गरेर जंगली जीवनबाट सामान्य जीवनयापनमा फर्काउनुपर्ने बताउनुभयो ।
गुराँस गाउँपालिकाका अध्यक्ष ओलीले दुई महिनाअघिमात्र राउटे समुदायलाई हरेक व्यक्तिको फोटो सहित परिचयपत्र दिएर उनीहरुको तथ्याँक व्यवस्थापनबाट राउटेहरुको जीवनस्तर सुधारको काम सुरु भएको प्रष्ट्याउनुभयो ।
गुराँस गाउँपालिकाले नागरिक रहने गरी परिचयपत्र दिएको र उनीहरु जहाँ गए पनि गुराँस गाउँपालिकाले सामाजिक सुरक्षा भत्ता लगायतका सेवा सुविधा दिने जनाएको छ । सामाजिक सेवा केन्द्र (सोसेक)ले राउटे समुदायको स्वास्थ्य सेवा, सचेतना अभिबृद्धि लगायतका क्षेत्रमा काम गर्न राउटे परियोजना सञ्चालन गरिरहेको छ ।
दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।