चार प्रदेश केही ठाउँमा चट्याङ्गसहित हल्का वर्षाको सम्भावना
बैशाख १२, २०८१ बुधबार
कपिलस्तु – धरौटी रकम बुझाउन नसकेपछि डिस्टिलरी सञ्चालक देवराज दाहाललाई आन्तरिक राजश्व कार्यालयले पक्राउ गरी थु्नामा राखेको छ ।
पक्राउ परेका दाहालमाथि आन्तरिक राजश्व कार्यालयको नक्कली अन्तःशुल्क स्टिकर प्रयोग गरेको आरोप लागेको छ ।
दाहालसँग आन्तरिक राजश्व कार्यालय कृष्णनगरले एक करोड पाँच लाख रुपैयाँ धरौटी माग गरेको थियो । धरौटी बुझाउन नसकेपछि उनलाई कपिलवस्तु कारागारमा थुनामा राखिएको हो ।
थुनामा रहेका दाहाल उपर दर्ता गरिएको अभियोग पत्रको नक्कल र मिसिलहरुको प्रतिलिपि माग्दा आन्तरिक राजश्व कार्यालयले. उपलब्ध नगराएको दाहाल तर्फका कानुन व्यवसायी लेखनाथ दाहालले सञ्चारकर्मीलाई बताए । मुद्धा थप अनुसन्धान प्रक्रियामै रहेका कारण मिसिलको प्रतिलिपि दिन नमिल्ने आन्तरिक राजश्व कार्यालयले जनाएको छ ।
सरकारी पक्षबाट हराएको स्टिकर बृद्धि डिस्टिलरीको रक्सीको ३ सय ४० वटा कार्टुनमा लगाइएको भेटिएपछि दाहाललाई पक्राउ गरिएको थियो ।