गाजामा राहत सामग्री पुर्याउनका लागि अनुमति दिन इजरायललाई र...
चैत १६, २०८० शुक्रबार
काठमाडौं – नेपाल–भारतबीच ग्यास पाइप लाइन विस्तार गर्ने समझदारी भएको छ ।
शुक्रबार काठमाडौंमा बसेको दुवै देशको मन्त्रीस्तरीय बैठकले ग्यास पाइप लाइन विस्तारका लागि सम्भाव्यता अध्ययनको कामलाई अगाडि बढाउने निर्णय गरेको हो । उद्योग, वाणिज्य तथा आपूर्तिमन्त्री मातृकाप्रसाद यादव र भारतीय पेट्रोलियम तथा प्राकृतिक ग्यास मन्त्री धर्मेन्द्र प्रधानबीच दुवै देशबीच ग्यास पाइप लाइन विस्तार गर्ने समझदारी भएको हो ।
भारतको गोरखपुरबाट नेपालको सुनौलीमा ग्यास लाइन विस्तार गर्न आवश्यक तयारी गर्ने समझदारी बैठकले गरेको उद्योग, वाणिज्य तथा आपूर्ति मन्त्री मातृका यादवले जानकारी दिनुभयो ।
भारतका पेटोलियम तथा प्राकृतिक ग्यास मन्त्री प्रधानले ग्यास पाइनलाइन विस्तारको कामलाई अघि बढाउने विषयमा छलफल सुरु गरिएको जानकारी दिनुभयो ।
बैठकमा भारतीय पक्षले नेपालको ग्यास बुलेट ढुवानीका लागि अनुमति दिन ढिलाई नगर्ने प्रतिवद्धता पनि जनाएको छ । मन्त्रीस्तरीय बैठकले मोतिहारी–अमलेखगंज पेट्रोल पाइप लाइन विस्तारको काम सन्तोषजनक ढंगले अघि बढेको निष्कर्ष पनि निकालेको छ ।