प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
इटालीयन शीर्ष डिभिजन सिरिए अन्तर्गत शनिबार राति भएको खेलमा युभेन्टस विजयी भएको छ ।
युडिनेसीविरुद्ध २–० को जित दर्ता गर्दै युभेन्टसले यो सिजन शतप्रतिशत जितको यात्रा कायम राखेको छ । युभेन्टसका लागि रोद्रिगो बेन्टान्कर र रोनाल्डोले एक – एक गोल गरेका थिए ।
खेलको ३३ औं मिनेटमा बेन्टान्करको गोलमार्फत युभेन्टसले अग्रता बनाएको थियो । उनले जाओ क्यान्सेलोको पासमा गोल गरेका थिए । पछिल्लो समय बलात्कारको प्रकरणका कारण चर्चामा रहेका पोर्चुगिज स्टार रोनाल्डोले ३७औं मिनेटमा गोल गर्दै युभेन्टसको अग्रता दोब्बर बनाए । उनले मारियो मान्जुकिचको पासमा गोल गरेका थिए ।
जितसँगै युभेन्टसले आठ खेलबाट २४ अंक बनाएको छ । युडिनिसी भने आठ अंकसहित १५औं स्थानमा छ ।