सुदूरपश्चिम प्रदेश सरकारमा मन्त्री थपिए, कञ्चनपुरका रावल बने राज्यमन्त्री

 असोज २३, २०७५ मंगलबार १८:०:९ | निर्मला खडायत
unn.prixa.net

कैलाली – सुदूरपश्चिम प्रदेश सरकारमा कञ्चनपुरका प्रकाश रावल राज्यमन्त्रीमा नियुक्त हुनु भएको छ । 

उहाँलाई मंगलबार मुख्यमन्त्री त्रिलोचन भट्टले पद तथा गोपनीयताको सपथ खुवाउनुभएको छ । कञ्चनपुर क्षेत्र नम्बर ३ को ‘क’ बाट विजयी सांसद रावल  उद्योग, पर्यटन, वन तथा वातावरण राज्यमन्त्रीमा नियुक्त हुनुभएको हो ।  

राज्यमन्त्री रावलले मंगलबार नै मन्त्रालयमा पदभार ग्रहण गर्नु भएको छ । रावलसँगै अब सुदूरपश्चिम प्रदेश सरकार आठ सदस्यीय भएको छ । उहाँ राज्यमन्त्री भएको मन्त्रालयमा बैतडीकी मायादेवी भट्ट मन्त्री हुनुहुन्छ ।


 

अन्तिम अपडेट: मंसिर ६, २०७५

निर्मला खडायत

उज्यालाेका कैलाली सहकर्मी खडायतलार्इ फेसबुकमा भेट्न सकिन्छ ।

तपाईको प्रतिक्रिया