लागुऔषध मुद्दामा लामो समयदेखि फरार दुईजना पक्राउ

 असोज ३०, २०७५ मंगलबार १९:९:१६ | धनवीर महतो
unn.prixa.net

महोत्तरी - महोत्तरी प्रहरीले लागुऔषध मुद्दामा लामो समयदेखि फरार रहँदै आएका दुईजनालाई पक्राउ गरि अनुसन्धान अगाडि बढाएको छ ।

जिल्ला प्रहरी कार्यालय महोत्तरीले एकडारा गाँउपालिका-३, का ५२ वर्षीय छेदी साहलाई लागुऔषध गाँजा मुद्धामा पक्राउ गरि आज सार्वजानिक गरेको हो ।

२०५७ साल कातिक ४ गते प्रहरीले साहको घरमा छापामारी गर्ने क्रममा १ सय १ किलो अवैध लागुऔषध गाँजा बरामद गरेको थियो भने अभियुक्त साह त्यसै समयदेखि फरार रहँदै आएको प्रहरी नायव उपरिक्षक खगेन्द्र बहादुर खडकाले बताउनुभयो ।

साहलाई त्यसै मुद्धामा हिरासतमा लिई अनुसन्धान गरिरहेको प्रहरी नायव उपरिक्षक खडकाले जनाउनुभयो ।

१५ वर्षदेखि अवैध लागुऔषध कारोबार कार्यमा संलग्न भई फरार रहदै आएको एकडारा गाँउपालिका-३ का ५४ वर्षीय रामनरेश यादवलाई पनि पक्राउ गरि अनुसन्धान अगाडि बढाइएको छ ।

यादवले २०६० साल असार २१ गते वालुवा लोड भएको ज १ त ३२२ नम्बरको टयाक्टरमा अवैध लागुऔषध गाँजा २ सय केजी ल्याउँदै गरेको अवस्थामा प्रहरीले बरामद गरेको थियो । प्रहरीको टोलीलाई देख्नासाथ यादव टयाक्टर छोडी फरार भएकोमा प्रहरीले सुराकीको आधारमा अहिले पक्राउ गरेको प्रहरी नायव उपरीक्षक खगेन्द्र बहादुर कार्कीले बताउनुभयो ।

अन्तिम अपडेट: कात्तिक २, २०७५

धनवीर महतो

उज्यालोका महोत्तरी सहकर्मी धनवीर महतोलाई फेसबुकमा भेट्न सकिन्छ ।

तपाईको प्रतिक्रिया