नेपालको खराब प्रदर्शन, हङकङले चार विकेटले हरायो
बैशाख ८, २०८१ शनिबार
सोलुखुम्ब – सोलुखुम्बुको खुम्बु क्षेत्रमा विदेशी पर्यटकको चाप बढेको छ ।
पर्यटकीय सिजन सुरु भएसगै खुम्बु भित्रने पर्यटकको चाप वृद्धि भएको पर्यटक प्रहरी कार्यालय लुक्लाले जनाएको छ ।
असोज अन्तिम सातादेखि मंसिरसम्म सगरमाथा लगायतका अन्य हिम दृष्यावलोकनको लागि उपयुक्त मानिन्छ । प्रहरी सहायक निरीक्षक सरयुग महतोका अनुसार अक्टोबर १ देखि २३ सम्म १४ हजार २ सय ९२ जना विदेशी पर्यटक खुम्बु भित्रिएका छन् ।
जसमा सबैभन्दा बढी अमेरिकाका नागरिक रहेका छन् । यो समाचार तयार पार्दासम्म अमेरिकाबाट ५ सय ८१ पुरुष र ४ सय ४६ जना महिला गरी १ हजार २७ जना खुम्बु भित्रिएका छन् ।
त्यसै गरी सबैभन्दा कम बेलारुसका नागरिक रहेका छन् । बेलारुसबाट १ पुरुष र २ जना महिला गरी ३ जना रहेका छन् ।
अहिले दैनिक ६ सयभन्दा बढीको संख्यामा विदेशी पर्यटक खुम्बु भित्रिने गरेको पर्यटक प्रहरी कार्यलय लुक्लाको तथ्याँक देखाएको छ ।
सबैभन्दा धेरै अक्टोबर १ तारिख अर्थात असोज १९ गते ७ सय ७५ जना पर्यटक खुम्बु प्रवेश गरेको कार्यालयले जनाएको छ ।
पर्यटकहरु हवाइजहाजको माध्यमबाट आउने गर्दछन् भने त्यतिकै मात्रामा हेलिकप्टर चार्टर गरी आउने गरेको नागरिक उड्डयन कार्यालय लुक्लाले जनाएको छ ।
अहिले लुक्लामा दैनिक १२० भन्दा बढी उडान हुने गरेको नागरिक उड्डयन कार्यालय लुक्लाका प्रमुख योगेन्द्र कुँवरले बताउनुभयो ।
जसमा ४० देखि ५० सम्म जहाजले तथा ७० देखि ८० उडान हेलिकप्टरले गर्ने गरेको प्रमुख कुवँरकोे भनाई छ ।
उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।