न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाडाैं – भारतको मेदान्त अस्पतालमा उपचार गराइरहेका राष्ट्रकवि माधवप्रसाद घिमिरेलाई ठोस खानेकुरा खुवाउन थालिएको छ ।
यसअघि तरल पदार्थ मात्र खुवाइएकोमा स्वास्थ्यमा सुधार हुँदै गएपछि ठोस खानेकुरा खुवाउन थालिएको उहाँको परिवारले बताएको छ । अहिले उहाँको आन्तरिक रक्तश्राव रोकिएको र छातीको समस्या पनि हटेका डाक्टरले बताएका जेठा छोरा इन्दिवर घिमिरेले जानकारी दिनुभयो । उहाँका अनुसार घिमिरेलाई सोमबारसम्म अस्पतालमै राखेर उपचार गरेपछि अब के गर्ने भन्ने बारेमा निर्णय हुनेछ ।
यसअघि १० दिन मेदान्त अस्पतञालमै उपचार गरेर गएको शनिबार स्वदेश ल्याइएका राष्ट्रकवि घिमिरेलाई आइतबारदेखि फेरि आन्तरिक रक्तश्राव हुनुका साथै श्वासप्रस्वासमा समस्या भएपछि सोमबार भारतको मेदान्त अस्पताल लगिएको हो । अहिले उहाँको स्वास्थ्यमा क्रमिक सुधार आएको छ ।