प्रचण्ड नेतृत्वकाे सरकारलाई निरन्तरता दिन एमाले तयार छ : महास...
बैशाख ७, २०८१ शुक्रबार
पर्वत – जिल्ला प्रहरी कार्यालय पर्वतले ठूलो परिमाणमा लागुऔषधसहित २ युवालाई पक्राउ गरेको छ ।
प्रहरीले कुश्मा नगरपालिका –६, गोविन्द पथमा बस्दै आएका दिनेश पुन कोठाबाट सोमबार लागुऔषध बरामद गरेको हो ।
प्रहरीले मोदी गाउँपालिका वडा नं. ४ क्याङ घर भई हाल कुश्माबजारमा बस्दै आएका २२ वर्षीय दिनेश पुनको कोठाबाट विभिन्न प्रकारका १ सय २२ थान लागुऔषध, गाँजा र चरेससमेत बरामद गरेको हो । साथै प्रहरीले १९ वर्षीय युवा सुरज पुनलाई समेत नियन्त्रणमा लिएको छ ।
जिल्ला प्रहरी कार्यालय पर्वतका प्रहरी निरीक्षक राजन रायमाझीले दिएको जानकारी अनुसार पुनको कोठाबाट नरपिन ३५ एम्पुल, थेनेरेगेन ४४ एम्पुल, डाइजोपाम ३९ एम्पुल, कालजेसिक ४ एम्पुल र नगद १६ हजार ३ सय ३५ रुपैँया बरामद गरेको हो । उनीहरुको साथबाट प्रहरीले केही मात्रामा गाँजा र चरेस पनि बरामद गरेको छ ।
पक्राउ परेका दुवै जनालाई लागुऔषध ओसारपसार ऐन अन्तर्गत कारबाही प्रक्रिया अघि बढाइने प्रहरी निरीक्षक रायमाझीले जानकारी दिनुभयो ।
पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।