पार्टीभित्रको गुट अन्त्य गर्छु : कांग्रेस उपसभापति गच्छदार

 कात्तिक २१, २०७५ बुधबार १२:३३:१६ | उज्यालो सहकर्मी
unn.prixa.net

काठमाडौं – प्रमुख प्रतिपक्षी दल नेपाली कांग्रेसका नवनियुक्त उपसभापति विजयकुमार गच्छदारले सिँगो पार्टीलाई अब एकतावद्ध बनाएर अघि बढाउने बताउनुभएको छ ।

‘सकेसम्म म पार्टीभित्रको गुट अन्त्य गर्छु’, गच्छदारले भन्नुभयो, ‘यदि सकिन भने पनि विवादलाई न्यूनिकरण गर्छु ।’ काठमाडौमा आयोजना भएको देउसी–भैलो कार्यक्रममा पत्रकारहरुसँग संक्षिप्त कुराकानी गर्दै नेता गच्छदारले पार्टीमा रहेका गुट/उपगुट अन्त्यको लागि आफूले सक्दो प्रयास गर्ने प्रतिबद्धता जनाउनुभयो ।

कांग्रेसले सशक्त प्रतिपक्षीको भूमिका निर्वाह गर्ने उहाँको भनाई थियो । ‘आउँदो चुनावमा कांग्रेस एक नम्बर पार्टी बन्छ । अहिलेको समस्या समाधान गर्न कांग्रेसले भूमिका निर्वाह गर्छ ।’ पार्टीभत्र आफूले पाएको नयाँ जिम्मेवारीलाई कुशलताका साथ निभाउने पनि गच्छदारको भनाई छ । 

अन्तिम अपडेट: कात्तिक २४, २०७५

तपाईको प्रतिक्रिया